Fiskur, sum etur annan fisk, hevur tenn at taka hann og halda honum við. Fiskur tyggir ikki, men svølgir fongin heilan.
Tú sært á skapinum á kjaftinum hjá fiski, hvat hann etur.
Steinbítur hevur fáar, men stórar og sterkar tenn at bróta skeljar við.
Hvítingur hevur langan kjaft og fleiri tanngarðar við spískum tonnum, sum eru góðar at halda einum fiski, ið ger um seg.
Floyfiskur hevur yvirbit, tí hann tekur føði á botni.
Havtaska hevur undirbit, tí hon liggur á botni og tekur fisk, sum svimur uppi yvir henni.
Tekningar: Astrid Andreasen